PGL – A Associaçom “Queremos Galego Marim” organiza estas jornadas que se desenvolverám durante todo o ano com a intençom de dar a conhecer outras realidades lingüísticas semelhantes às do nosso pais, no resto do Estado e fora dele.
O programa inclui um ciclo de palestras em que participarám pessoas destacadas do âmbito da cultura, política e socio-lingüística, conforme indicam as e os organizadores. Também está anunciada a participaçom de Ana Miranda, eurodeputada galega polo BNG.
A associaçom organizadora destas palestras assinala que um dos objetivos da iniciativa é denunciar a discriminaçom que sofrem as denominadas línguas minoritárias num contexto de ataque e repressom exercido polos diferentes governos, representado no nosso País polo mal denominado decreto do Plurilingüismo imposto pola atual “Xunta de Galicia” e que contou com a oposiçom dum amplo setor da cidadania, assim como também do mundo da cultura e da educaçom.
Da associaçom QGM querem fazer um apelo a todas as pessoas comprometidas ou conscienciadas com a defensa do nosso idioma a se associar e participar deste projeto de reivindicaçom.
