PGL – Na próxima terça-feira, 12 de abril, o investigador e historiador Joám Ramom Fernández Pacios, falará dentro do ciclo “Economia, História e Ciencias Sociais”, organizado pola Agrupaçom Cultural O Facho. A sua palestra está subordinada ao título “Alfonso VII, imperador galego” e terá lugar às 20h na Fundaçom Caixa Galicia da Corunha (no Cantom Grande).
Joám Ramom Fernández Pacios é licenciado em Geografía e História pola Universidade de Compostela, na atualidade responsável do Centro de Interpretaçom do Caminho Norte. Assim mesmo, participou como secretário nas Jornadas de Estudos Medievais da Marinha Central durante as seis primeiras ediçons, sendo Comissário da exposiçom “Foz e a sua História”. É um dos grandes especialistas na história dos corsários e da pirateria na Galiza.
Entre as suas publicaçons destacam: “Recopilación da memória histórico-local do Concelho de Foz”, “O camiño de Santiago na Mariña lucense”, “O Mariscal Pardo de Cela e o seu tempo”, “San Gonzalo: Bispo Mindoniense”, “Hospitalidade e pepregrinación”, “O Camiño do norte da Marinha luguesa”, “A guerra contra o francés en 1809”.
