PGL – A 27 de junho de 1931 tivo lugar a proclamaçom da República Galega, presidida por Alonso Rios. Foi na véspera das eleições às Cortes Constituintes da que seria II República Espanhola, num momento em que políticos como o próprio Rios, Eduardo Ponte ou Pedro Campos Couceiro reivindicavam que a soluçom para os problemas da Galiza era umha república própria, nom integrar-se na espanhola.
Diversas entidades cívicas —como a associaçom Foucelhas— levam já anos a resgatar a memória dessa I República Galega, que ainda que efémera —durou apenas umhas horas—, nom deixa de ser um facto histórico, embora pouco ou nada conhecido.
Para a data de hoje propõe-se também fazer da palavra-chave #RepúblicaGalega um termo recorrente nas redes sociais, para melhor contribuir para a recuperaçom deste pequeno fragmento da nossa história.
+ Ligações relacionadas:
- 82 anos da República Galega [Sermos Galiza, 27/06/2013]
- Referências à República Galega no blogue da associaçom Foucelhas
