PGL – A secçom dedicada ao audiovisual de Culturagalega.org -o portal auspiciado polo Consello da Cultura Galega- oferece na íntegra um documentário que recolhe a panorámica dum novo modelo de planificaçom lingüística dirigido a todos os concelhos galegos. Neste caso o protagonismo é para 52 pessoas da localidade de Burela, onde este modelo está já a ser aplicado.
Segundo afirmam os produtores, «Em Burela o Instituto Perdouro realizou umha Intervençom Educativa destinada à comunidade escolar e, por extensom, ao conjunto da populaçom da localidade. Alunas e alunos botaram-se à rua na procura dos típicos documentos habituais em qualquer casa. Assim, aos poucos, foram aparecendo textos com grande valor sentimental: convites de celebraçons, documentos notariais, publicidades comerciais, actas de reunions de condomínios, correspondência privada, recordatórios de comunhons e inclusive necrológicas.
A iniciativa didáctica chegou também à Cámara Municipal e umha comissom específica redigiu o Projecto de Planificaçom Lingüística, que a corporaçom aprovou por unanimidade em Abril de 2008.
Com Modelo Burela (longametragem-documentário de 66 minutos de duraçom), Matias Nicieza pom-lhe imagem à voz dos protagonistas».
Apoiando-se no Projecto de Inovaçom Educativa do Instituto Perdouro, umha equipa de seis pessoas elaborou o Modelo Burela de Planificaçom Lingüística, aprovado por unanimidade polo Concelho de Burela (PSOE/BNG/PP) em sessom de 26 de Abril de 2008. Esta localidade é a única da Galiza que conta com um modelo de convivência lingüística destas características.
Trás quatro anos de trabalho didáctico (2005-2008) planificado polo centro de ensino, os primeiros resultados estám à vista e som alentadores. O instituto realizou um Projecto de Inovaçom dirigido a todos os sectores sociais da localidade com o objectivo de localizar documentaçom escrita, realizar um Arquivo Documental –também com versom electrónica- e oferecer ao público um banco de modelos documentais úteis para a vida diária (convites, recordatórios, actas, documentos notariais, publicidades…). O citado projecto foi o único da Galiza premiado por terceira vez consecutiva pola Conselharia de Educaçom (2006/2007/2008).
Director
Estreitamente vinculado com este trabalho de dinamizaçom social, Instituto Perdouro e Concelho de Burela produzirom o documentário “Modelo Burela”, dirigido polo realizador cinematográfico Matías Nicieza, com 52 entrevistas a pessoas da rede social criada.
Técnico em Cinematografía e Artes Visuais na especialidade de Direcçom e Guiom, Matias Nicieza co-dirigiu a curtametragem 33, na que pudo contar para o reparto com a colaboraçom de importantes figuras do cinema profissional. Nesta ocasiom contou com a colaboraçom de Mohamed Salem Hassan (infografia), palestiniano nascido na diáspora galega; e de Anxo Rivas Pardeiro (locuçom), jornalista de Rádio Foz.
Protagonistas do documentário
Além dos representantes das três forças políticas com representaçom municipal ( Alfredo Llano e Lucia Bouza (PSOE); Neves Cando (BNG); Cristóbal Edrosa e Luís Miguel Pedre (PP) ), som entrevistadas diversas pessoas significativas da vida social e cultural da localidade (marinheiros, operários industriais, funcionários, associaçons culturais, desportivas, juvenis….).
Muito salientada está a representaçom de neofalantes das diferentes comunidades espanholas e ainda de vários países do mundo (Colómbia, Peru, Holanda, França…), num documento que também conta com destacadas intervençons de sócios e sócias da AGAL (Maria do Carmo Cozinha; José Banho; e Roberto Bouça) e da comunidade cabo-verdiana assentada na Marinha.
Projecto de inovaçom educativa
A estratégia didáctica está coordenada pola professora Cristina Loureiro, do grupo de investigaçom GALABRA da Universidade de Santiago, onde colabora no projecto POLULIGA (“Portugal e o mundo lusófono na Literatura Galega das últimas três décadas”)-FISEMPOGA (“Fabricaçom e socializaçom de ideias num sistema emergente durante um período de mudança política: Galiza (1968-1982)”).
Cristina Loureiro defendeu em 2006 o trabalho de investigaçom “O projecto de Rodrigues Lapa para a Galiza no tardofranquismo” e actualmente trabalha na investigaçom da fabricaçom de ideias sobre a Galiza no ensino secundário.
Extracto do documentário Modelo Burela
+ Notícias relacionadas:
- Modelo Burela. Documental. AVG – Conselho da Cultura Galega. [Vídeo do documentário na íntegra | 1 h 06 min]
- Burela, por exemplo. Culturagalega.org, 23 de Fevereiro de 2009.
- Modelo Aditivo de Política Linguistica, O antidoto contra o integrismo dogmático. PGL, 23 de Fevereiro de 2009.
- A vantaxe da madureza. Galicia Hoxe, 19 de Fevereiro de 2009.
- Matías Nicieza: «O melhor do documental de Burela é o valor humano». La Voz de Galicia, 04 de Fevereiro de 2009.
- Cristina Loureiro: «Levar o proxecto do galego no Perdouro foi como chegar e bicar o santo». La Voz de Galicia, 16 de Dezembro de 2008.
- Guárdia Civil e o «Modelo Burela». PGL, 28 de Novembro de 2008.
- Bernardo Penabade: ”O Modelo Burela poderia aplicar-se em todo o País’‘. Velho PGL, 21 de Junho de 2008.
- Burela aprova por unanimidade um modelo de planificaçom lingüística pioneiro na Galiza. Velho PGL, 02 de Maio de 2008.
- O Concello de Burela aproba por unanimidade un proxecto de planificación lingüística municipal. Reverso, 25 de Abril de 2008.
