O programa radiofónico escolar Ponte… nas Ondas, cujo rosto visível é Xurxo Souto, recebeu o prestigiado Prémio Ondas, que reconhece as melhores iniciativas no âmbito da comunicaçom audiovisual. Foi, aliás, o único galardom para um programa elaborado numha língua diferente do castelhano.
Os Prémios Ondas som entregues anualmente pola estaçom radiofónica Ràdio Barcelona-Cadena SER. Na atual ediçom concorriam ao certame 300 candidaturas de mais de 20 Estados, mormente do espanhol.
Ponte… nas Ondas é umha iniciativa que começou há vinte anos quando estabelecimentos do ensino das duas beiras do rio Minho envolvêrom o alunado para a realizaçom de programas divulgativos de caráter cultural. A partir daí, anos depois surgiu umha proposta para a Unesco considerar património da humanidade o património imaterial galego-português.
Vinte edições
Neste 2014, Ponte… nas Ondas chegou à XX ediçom, em que participárom 54 estabelecimentos do ensino da Galiza e do norte Portugal que emitírom desde 14 lugares diferentes.
