PGL Países Cataláns – O Partido Popular, aproveitando a sua maioria absoluta, chumbou no Congresso espanhol a ILP de Televisom sem Fronteiras para permitir a receçom de televisons na mesma língua entre comunidades autonómas. O único partido que apoiou o PP foi a também formaçom espanholista UPyD.
Esta iniciativa legislativa popular fora proposta pola Acció Cultural del País Valencià, fundamentalmente com o intuito de permitir, dentro do Estado espanhol, a receçom sem limites das televisons em catalám nas comunidades autónomas em que se fala esta língua (Catalunha, País Valenciano e Ilhas Baleares, em que o idioma é co-oficial, além de regiões catalano-falantes no Aragom e Múrcia).
Para apresentar umha ILP de ámbito estatal som precisos meio milhom de apoios. Como noticiado no PGL já em 2010, esta iniciativa ultrapassou as 650.000 assinaturas, o qual dá prova do grande suporte social que tivo a ILP.
+ Ligaçons relacionadas:
- O Concelho de Castelhom pede de novo a recepçom da TV3 no País Valenciano [PGL, 01/02/2012]
- 650 mil assinaturas para ILP sobre recepçom de TV3 no País Valenciano [PGL, 24/06/2010]
- Acçom Cultural entrega as 650.000 assinaturas para umha “Televisom sem Fronteiras” [Vilaweb, 22/06/2010]
- Dessídia do Estado para propiciar a recepçom das televisons portuguesas contravém directiva europeia [PGL, 24/06/2009]
