Nationalia.cat – No coraçom das Dolomitas, nos Alpes orientais, encontramos um povo que fala a língua Ladina, relacionada com o reto-romanche, falado na Suíça, e o friulano, que ainda é usado na regiom de Friul-Veneza Júlia.
A existência do ladino é muitas vezes ignorado por centenas de milhares de praticantes de esqui e montanhistas que visitam cada ano as cordilheiras alpinas Cortina d’Ampezzo, Vigo di Fassa e o resto das Dolomitas. No entanto, existem cerca de 30.000 pessoas, de acordo com o Ethnologue, que ainda falam Ladino, um dos três dialectos da língua reto-romanche. Os outros dous som o friulano (reto-romanche ocidental) e romanche (reto-romanche oriental), falado no Friul e na Suíça, respectivamente. O Ethnologue também afirma que, para além da língua, o povo ladino está formado por 38.000 pessoas.
No campo político, o ladino nom goza de umha estrutura administrativa própria, o que nom significa que nom estejam representados nas instituiçons. Em Trento, esta comunidade tem reservado um deputado que actualmente assume Uniom Autonomista Ladina. Também tenhem um representante para o Conselho Regional de Trentino-Alto Ádige/Tirol do Sul, a regiom formada polas províncias autónomas de Trento e do Sul do Tirol.
No sul do Tirol, por outro lado, os ladinos nom estám representados por umha política específica, mas o Partido Popular do Tirol do Sul, hegemónico no país —de fala germánica—. Muitas vezes costuma incluir a recuperaçom dos direitos lingüísticos ladinos nos seus discursos.
No entanto, o território do povo ladino tem muita efervescência lingüística e cultural. Esta língua reto-romanche só tem umha protecçom genérica do Estado italiano, e nom é oficial em nengum território. Porém, o idioma é ensinado nas escolas primárias e, gradualmente, emergem organizaçons preocupadas com a sua recuperaçom. O principal organismo responsável pola padronizaçom do ladino, do ponto de vista académico é Servisc per la Planificazion y Elaborazion dl Lingaz Ladin, encarregado de estabelecer um padrom para a língua escrita.
Quanto à promoçom da língua e da cultura, destacam o Instituto Cultural Ladino / Laden Instituto Cultural e o Instituto Micurá Laden, que publica e suporta todos os tipos de actividades culturais. Outros portais som Amisc dla Ladinia Unida, e Ladins Dolomites. No campo da internet, é de salientar USC di Ladino, que é o diário semanal da Uniom Geral dos Dolomitas e Noeles.com, um jornal on-line publicado integralmente em ladino. Além do Ethnologue, pode ver informaçons sociolingüísticas sobre o ladino de Mercator e de Linguamón.
Informaçons Gerais
Populaçom: nom disponível
Tamanho: nom disponível
Instituiçons: Nengumha
Principais Cidades: Vich (Vigo di Fassa), Moena, Anpez (Cortina d’Ampezzo)
Administraçom do Estado: Itália
Língua territorial: ladino
Língua oficial: italiano
Cultura religiosa: cristianismo católico
