Nationalia.cat – Gagaúzia, umha regiom autónoma dentro da Moldávia, tem garantida a liberdade de secessom se, algum dia, Moldávia decide volver a unir-se com a Roménia, isto é, autodeterminaçom “condicional”.
Os Gagauz provenhem das tribos turcas ogúzides que no século XIII se estabelecérom em toda a regiom dos Balcans. Séculos mais tarde, mudárom da Bulgária para a Bessarábia, o território que actualmente corresponde ao término da Moldávia meridional, perto da fronteira com a Roménia.
Som precisamente os três Estados citados os que acolhem à maior parte do povo Gagaúzio. Seja como for, é só na Moldávia onde este povo goza de instituiçons próprias, polo que quando falamos aqui de Gagaúzia estamos a referirnos à Unidade Territorial Autónoma de Gagaúzia.
Este território estivo sob a administraçom do Império Russo, entre 1812 e 1917, da Roménia, entre 1918 e 1944, da Uniom Soviética, entre 1944 e 1991, e da Moldávia, desde o no 1991. O movimento de reivindicaçom da autonomia e a identidade da Gagaúzia nom empeçou a ser significativo até finais da década dos oitenta, com a tímida democratizaçom da Unión Soviética, em que o movimento conhecido como o Povo gagaúzio pediu a criaçom de um território autónomo no sul da Moldávia.
Pouco a pouco, medidas como a declaraçom do romeno como língua oficial na Moldávia, no ano 1989, fizérom temer aos gagaúzios e a populaçom nom moldava em geral, umha possível reunificaçom com a Roménia, assim que no 1990 a província de Comrat se declarou república autónoma, facto que foi rejeitado rapidamente polo Governo de Chisinau.
No ano 1994, o presidente moldavo Mircea Snegur fizo pública a sua postura, favorável à autonomia Gagaúzia, mas contraria tanto à independência como à divisom da Moldávia entre três estados federados -Moldávia, Gagaúzia e Transnistria-. As promessas de Snegur derivárom na garantia do direito à “autodeterminaçom externa” do povo da Gagaúzia, prevista no caso de que o status da Moldávia cambiara. Unss meses mais tarde, o Parlamento moldavo aprovou a legislaçom que outorgava ao território seu status actual e que declarava oficiais as três línguas: o gagaúzio, o russo e o moldavo.
Gagaúzia dotou-se entom de um Governo, liderado pola figura do Governador, e de umha cámara legislativa, a Assembleia Popular. Tem competências em matéria de educaçom, cultura, desenvolvimento local, impostos e orçamentos, seguridade social e administraçom territorial. Ademais, a Assembleia pode participar na política interna e externa moldava, e tem a opçom de acudir ao Tribunal Constitucional no caso de que as políticas estatais interfiram com a legislaçom da Gagaúzia. Porém, Chisinau foi tradicionalmente reticente a aceitar o autogoverno deste território, e fôrom múltiplas as travas impostas aos seus líderes políticos.
Dados gerais
Populaçom: 155.700 h. (1996) (1996)
Superfície: 1.832 km²
Instituiçons: Governo e Assembleia Popular da Gagaúzia
Capital: Comrat
Administraçom estatal: Moldávia
Línguas territoriais: gagauz, moldavo, rus
Línguas oficiais: gagauz, moldavo, rus
Festa nacional: 23 de dezembro
Cultura religiosa: cristianismo ortodoxo
