PGL – Desde o passado sábado, dia 30 de abril, e até o próximo domingo, dia 8 de maio, a Associaçom Galega da Língua (AGAL) manterá um posto na Feira do Livro de Compostela. Compartilhado com a Urco Editora, está localizado no passeio da Alameda da capital do País. O evento, de caráter anual, está organizado pola Federaçom de Livreiros da Galiza, e repete-se por outras cidades.
O pessoal que se aproximar ao posto da AGAL poderá encontrar tanto as obras editadas sob o carimbo da ATRAVÉS|EDITORA como outras que comercializa a loja online Imperdível. Magnífica oportunidade, portanto, para poder-se fazer com a segunda ediçom do Manual de Galego Científico, ao sucedido Do Ñ para o NH, Noente Paradise ou o Sempre em Galiza, entre outros títulos que se podem consultar aqui. Também ocasiom para observar de perto e sovar obras para todo tipo de públicos comoCaracol e Caracola, O Sonho do Ursinho Rosa, Ovos Cozidos, O Essencial sobre Política de Língua, Capitães da Areia, Milagrário Pessoal, Rio Homem, A Revolução Pendente ou Aprender a Rezar na Era da Técnica, entre muitos outros.
Por sua parte, a Urco Editora, companheira da Associaçom nesta feira, anda também de estreia. Como noticiado no PGL, recentemente publicárom novidades nos géneros do terror e do fantástico, fFalamos d’A Chamada de Cthulhu e A Xanela Escura, e ainda nos últimos dias o romance Carmiña Burana.
