PGL – A Associaçom Cultural A Velha na Horta organiza para a sexta, dia 16 de março, uma palestra – colóquio com o professor Carlos Garrido como conferencista, que falará sobre a opçom reintegracionista do galego. A Associaçom visa com este ato dar a conhecer a alternativa reintegracionista na comarca da Guarda e do Rosal “dado o seu grande interesse e desconhecimento por parte da maioria da sociedade”.
Carlos Garrido é doutor em Biologia e licenciado em Traduçom e Interpretaçom. Atualmente é professor titular da Universidade de Vigo, onde leciona Traduçom de Textos Científicos e Técnicos Inglês-Alemám – Galego, e forma parte do conselho de redaçom da revista Agália. É também autor, entre outras obras, do Dicionário Terminológico Quadrilingüe de Zoologia dos Invertebrados, do Manual de Galego Científico, de Aspectos Teóricos e Práticos da Traduçom Científico-Técnica e de Léxico Galego: Degradaçom e Regeneraçom.
A Velha na Horta, agrupa jovens da Guarda e do Rosal que trabalham pela dinamizaçom cultural do Baixo Minho e pela preservaçom do património cultural galego. Com a palestra – colóquio de Carlos Garrido continua a série de atividades culturais, musicais, desportivas, ambientalistas e informativas que a Associaçom está a desenvolver desde a sua fundaçom.
O ato terá lugar nesta sexta-feira, 16 de março, na Sala de Exposiçons do Rosal (debaixo da Casa do Concelho), às 20 horas.
+ Mais informaçom:
- Evento no Facebook
- Entrevista a Carlos Garrido [PGL, 10 de janeiro de 2012]
- Dois estudos de Carlos Garrido para o melhoramento, prestígio e progresso da língua galega [PGL , 1 de dezembro de 2011]
- Livros de Carlos Garrido na loja Imperdível
