PGL – O sotaque andaluz da ministra espanhola do Fomento, Magdalena Álvarez, é «de brincadeira», assim é que pensa a deputada catalá do conservador e espanholista Partido Popular, Montserrat Nebrera, segundo informaçom do jornal espanhol Público. Mas no Reino de Espanha quando se falar da língua espanhola nom valem ‘brincadeiras’.
Os alegados colegas de militáncia da deputada ‘popular’ reagiram de imediato e pediram a rectificaçom das suas palavras. Muito esclarecedora foi o líder da direita espanholista na Andaluzia, Javier Arenas, que advertiu a respeito: «[Nom aceito] brincadeiras ou comentários sobre a forma de falar na Andaluzia».
Montserrat Nebrera tentou acalmar a polémica depois de ter falado com ela o secretário-geral da organizaçom conservadora e no seu blogue ficam os seus testemunhos na procura de esclarecer a sua opiniom. Talvez alguma cousa deveu aprender, porque falar do espanhol e da sua diversidade nom é como falar do catalám, galego ou basco. Será por sotaques!
Mais informaçom:
- El PP de Andalucía exige a Nebrera que deje el partido. Público, 13 de Janeiro de 2008.
