O modelo é formaçom online de pagamento, um tipo de serviço profissional focado em divulgaçom e formaçom técnica e criativa, que se oferece por primeira vez com docentes galegas em galego.
Segundo a promotora da Plataforma, a ribeirense Lorena García, o feito de que seja integramente em galego é intencional, e conta com profissionais que oferecem cursos com preços entre os 25 e os 30€.
Por agora as aulas disponíveis som de ‘Técnica básica de pandeireta’, ministrada polo músico Gabi Reboredo, que em quatro aulas de arredor de 20 minutos permite adquirir a técnica dos ritmos básicos da música tradicional galega. Também em conhecimentos musicais há o curso ‘Introdución á gravación e mestura de cancións’ com Nando Pérez (Chamaquito Pistolas).
Em outra linha, a criadora audiovisual Claudia Berro ofrece iniciaçom à fotografia. A tiktoker Sara Couselo ofrece ‘’Técnica básica do labor de gancho ou crochet’ en nove sessons, e a poeta Nuria Vil é a responsável do obradoiro para aprender a falar em público ‘Do papel á voz’.
A Plataforma pretende ir acrescentando a sua oferta de formaçom e pretende criar umha comunidade virtual entre as pessoas usuárias.
