PGL – O BNG apresentou no Parlamento umha proposta de moçom para instar à retirada do ‘decretaço’ contra o galego e para anular a campanha de propaganda que a Junta da Galiza concebeu para o publicitar, valorizada num milhom de euros.
O texto da moçom apresentada polo grupo nacionalista exige também que se voltem articular ajudas estáveis à traduçom de obras para o galego, que todas as páginas web dependentes da Junta também estejam no nosso idioma ou que os espaços de programaçom infantil e juvenil da televisom pública se emitam só em galego.
Outros aspectos da moçom do BNG instam a que se ministrem na nossa língua os cursos formativos da Escola Galega da Administraçom Pública, que as campanhas publicitárias da Junta sejam também em galego, que a sinalética do Caminho de Santiago recentemente instalada se substitua por uma outra na língua do País e que toda a documentaçom oficial da Junta se redija em galego.
Finalmente, o grupo nacionalista insta os cargos públicos a usarem o galego oralmente e também por escrito, ao cumprimento da lei para os fornecedores de serviços e a nom restringir a adquisiçom de livros em galego por parte de bibliotecas públicas e centros de ensino.
