PGL – O Grupo Parlamentar do BNG apresentou umha proposta para favorecer inserçom social e cultural do colectivo imigrante, integrado na Galiza por algo mais de cem mil pessoas. Os nacionalistas consideram que se trata de um segmento de populaçom «importante», ainda sendo a nossa a naçom do Estado espanhol com menor proporçom de imigrantes.
Por serem cidadaos galegos e galegas, assinalam do Bloco, precisam de medidas para garantir a plena integraçom. Ainda, assinalam a existência de dados que deixam clara a importância do galego neste sentido. Destarte, um terço dos imigrantes tem, no caso galego, competência no sistema linguístico galego-português, ao procederem em 20% de Portugal (20.500 pessoas), e em 11% do Brasil (12.000 pessoas). O resto (de origem colombiana, romena, marroquina, argentina, venezuelana, chinesa ou senegalesa) participa fundamentalmente de actividades laborais (construçom, pesca e construçom naval) em que o galego é idioma de comunicaçom maioritário.
Por isto o BNG insta a Junta galego a dar em andamento um plano específico para a normalizaçom do uso da língua galega no colectivo de imigrantes existente na Galiza, para o galego ser o idioma de referência para o inserimento social. Além de se garantir a aquisiçom de competência em galego e conhecimentos de história, geografia e cultura da Galiza, reclamam também cursos elementares e gratuitos, e um título que demonstrar esses conhecimentos.
+ Ligaçons relacionadas:
- Desprezo ao galego por parte de cargos públicos [PGL, 11/10/2010]
- Junta nom convocou as ajudas para a promoçom da língua galega para associaçons sem ánimo de lucro [PGL, 08/10/2010]
