PGL – O grupo parlamentar do BNG apresentou umha pergunta na Câmara inquirindo a Junta acerca das medidas que prevê adoptar para a incorporaçom da língua galega ao Instituto de Medicina Legal da Galiza (IMELGA), entidade que depende do Governo autonómico.
Os nacionalistas Bieito Lobeira e Tereixa Paz lembram que o IMELGA depende da Administraçom de Justiça na Galiza, estando vinculado à Conselharia da Presidência, Administrações Públicas e Justiça, com a funçom de lhe prestar assistência tecnica aos tribunais, promotorias e Julgados em matéria de medicina forense.
Do BNG lamentam que na maioria dos trabalhos e documentaçom elaborados e tramitados polo IMELGA se esteja a excluir o galego, e remetem para Decreto 119/2005, de 6 de maio, como quadro legal para solicitar a galeguizaçom da instituiçom. Por este motivo, reclamam conhecer as razões polas quais a nossa língua nom está presente nos trabalhos do órgão, saber em que prazo a Junta prevê a «efetiva galeguizaçom» da entidade e conhecer em que consistiriam no caso de se responder afirmativamente à questom.
