PGL – Hoje, dia 14 de dezembro, às 20h30, terá lugar na Gentalha do Pichel umha palestra acerca dos 1.600 anos da fundaçom do Reino Suevo da Galiza, considerado por muitos o primeiro reino europeu. Intervirám os historiadores Francisco Padin, organizador de um congresso sobre a matéria, e Anselmo López Carreira.
O Reino (Suevo) da Galiza surgiu entre 410 e 411, quando Hermerico e o seu povo se assentárom na província romana da Gallaecia, fundando aqui um reino independente do poder de Roma, e que se mantivo até 585, quando foi anexado polo vizinho reino visigodo.
Os 175 anos que durou o Reino Suevo, pouco estudados, fôrom um período marcado pola consolidaçom e expansom do cristianismo, e pola colocaçom dos pilares da organizaçom da Igreja Católica, em cujo seio floresceu umha cultura escrita sem comparaçom com o mundo latino.
