PGL – Sob a organizaçom do alunado do IES A Sangrinha, no dia 9 de novembro, terça-feira, a partir de 18h00, o presidente da Associaçom Galega da Língua, Valentim Rodrigues Fagim, dará uma palestra informativa na Guarda, nos locais do dito liceu, subordinada ao título «Umha visom com futuro para a nossa língua: o galego na lusofonia».
A iniciativa partiu de Alba, uma estudante de 17 anos, após as suas reflexões sobre o desconhecemento do reintegracionismo no sistema educativo e a necessidade de dar a conhecer o futuro que nos oferece a nossa língua. «A reintegracionista é umha normativa que está bastante à margem já por si mesma… e pensei se nom se tenta achegar á gente este ponto de vista, sobretudo à mocidade, que é quem tem o futuro da língua nas maos, nom vai sair das sombras…», afirma.
Este primeiro contato do estudantado do IES A Sangrinha com o reintegracionismo tentará deixar umha semente de conscienciaçom com a língua, e de abrir os olhos da gente, em especial da mocidade, para umha visom com futuro e com umha realidade lingüistica que está a ser vetada. «A nossa língua há séculos que está a ser ultrajada, abrir os olhos a umha estrategia lusófona, abrir os olhos a umha visom global da nossa língua é o meu anceio», conclui a jovem estudante responsável pola organizaçom do evento.
Depois de contatar com a AGAL e arranjar os trámites com a diretiva do liceu, a Alba confessa aguardar com grande esperança a palestra com o anceio de contribuir para continuarmos na defesa da dignidade da língua do povo galego, «porque a língua», salienta a Alba, «é a base do nosso existir».
Valentim R. Fagim manifestou ao PGL que esta iniciativa, tal e como ele foi gerada, encheu-no mesmo de emoçom, e encorajou quer o estudantado, quer o professorado para contatar com a AGAL e dar a conhecer a estratégia reintegrante. Ainda, fijo um apelo para o estudante do liceu A Sangrinha assitir no dia 9 à palestra, pois «vam desfrutar mesmo».
