O Facho – O vindouro dia 18 de Março, terça-feira, às 20h00, em Portas Ártabras (rua Sinagoga, 22 – Cidade Velha da Corunha) o professor doutor da UDC, Júlio Pardo de Neira, falará dentro do ciclo, Língua, Literatura e Naçom. A sua charla versará sobre: A literatura erótica galega.
O professor Pardo de Neira, é doutor em Filologia Galega pola UdC, doutor em História Contemporânea pola mesma Universidade e doutor Europeu em Didáctica da Língua e a Literatura pola Universitat de València, sendo assim a única pessoa que no Estado Espanhol conta com três teses de Doutorando. É autor de umha trintena de livros, entre os quais destacam ensaios centrados no vanguardismo galego do novecentos, na organizaçom do nacionalismo e do republicanismo na Galiza.
Assim mesmo conta com publicaçons sobre o erotismo e a pornografia literária na literatura da Galiza barroca e no feito trovadoresco medieval. Podemos salientar entre a obra publicada: Cultura e República, Evaristo Correa Calderón, Ánxel Fole: Pazos e nacionalismo, O labor lírico do ilustrado cura de Fruíme, Vanguardia Gallega ou o compromisso jornalístico lucense coa II República Espanhola, origens da literatura infantil galega. Fidalguia e cultura palaciana na Galiza do último milénio, Martin de Padroçelos, o primeiro trovador da lírica galego-portuguesa?, A introduçom do vanguardismo na literatura galega,
Também é responsável da ediçom do cancioneiro de Martins de Padroçelos, o primeiro trovador conhecido da literatura galega medieval. Tem participado em muitos congressos, tanto na geografia nacional como estatal e mesmo fora das fronteiras do Estado Espanhol, como professor deu aulas em várias Universidades portuguesas.
