Partilhar

Palestra de Joám Bernardes no Facho acerca do primeiro rei da Galiza

PGL – Por convite do Facho,  Joám Bernardes dá umha palestra a 11 de janeiro intitulada «Hermerico, o primeiro rei da Galiza». Será às 20h na Fundaçom CaixaGalicia da Corunha (no Cantom Grande).

Joám Bernardes Vilar é doutor em Geografia e História pola Universidade de Vigo. É co-fundador da Associaçom Cultural de Vigo (1965), por decisom da qual passou a colaborar, entre 1965 e 1975, na emissom “Raiz e Tempo”, em La Voz de Vigo, a primeira que se fizo em galego depois da Guerra. O seu trabalho consistiu na elaboraçom de uns oitocentos capítulos compendiando a história do nosso País.

Também dirigiu o semanário Galicia Social, a revista Latexo de Caixavigo. Toda a sua narrativa é de corte histórico,  destacando Un home de Vilameán. Anatomia de revolución Irmandiña; Ouveade, naves de Tarish¡; No ano do Cometa; Xerusalén, Xerusalén; Big-Bang e A saga da illa sen noite.

Como investigador, é autor, entre outros, de Pescudas nas orixes do mito de Tristán e Iseu; Galicia no século VI a.C. (1990) ou Exipto, a viaxe perdida de Egeria. Entre os principais prémios que conseguiu, destacam os do Padroado da Cultura Galega (Montevideu); “Galicia” de Investigaçom (Universidade de Santiago de Compostela); “Casa Galicia” de Leom; “Xerais” de narrativa; “Taboada Chivite” de Investigaçom (Concelho de Verim);  e duas vezes o Prémio de Teatro da Universidade de Vigo. Também tem diversos accessits de contos de “O Facho”.

Facho de Ouro

Por outra parte, a diretiva da Agrupaçom Cultural acordou outorgar O Facho de Ouro ao «homem de bem, poeta e professor» Bernardino Graña, como testemunha e reconhecimento «à sua longa trajetória na defesa da dignidade e da cultura do País». O ato cívico será acompanhado de umha ceia homenagem a 29 de Janeiro, às 21 horas, no Hotel Riaçor da Corunha.

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”

Ângelo Brea: “O amor pela família, o cuidado dos filhos ou as exigências de uma vida com grandes responsabilidades atravessam os milénios”

Burela, romance do escritor brasileiro Efigénio Moura, disponível em pré-venda na loja online da Através Editora

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”