PGL – O site web do Instituto de Maiores e Serviços Sociais (IMSERSO), entidade que depende do Ministério espanhol da Sanidade, deturpa toponímia galega. Nalguns casos, as deturpaçons deixam totalmente irreconhecível o topónimo, como no caso de Bertamarines, supostamente referente à localidade de Bertamiráns.
A lista de nomes de lugar espanholizados ou deformados contém exemplos de todo tipo, desde concelhos a paróquias, como La Coruña (Corunha), El Ferrol (Ferrol), Mellid (Melide), Noya (Noia), Órdenes (Ordes), Puebla del Caramiñal (Póvoa do Caraminhal), Puentedeume (Ponte d’Eume), Villalba (Vilalva), Vivero (Viveiro), Carballino (Carvalhinho), Bayona (Baiona), La Ramallosa (Ramalhosa, em Teu), etc.
Ante estes factos, o grupo parlamentar do BNG perguntou à Junta se tinha conhecimento desta realidade, e se previa adoptar medidas «ante a denigrante inclusom de topónimos deturpados» no referido site.
Segundo o nacionalista Bieito Lobeira, «resulta escandalosa a utilizaçom maciça de topónimos galegos deturpados, bastamente espanholizados, por parte de umha instituiçom pública teoricamente submetida à Lei».
Além disto, Lobeira enfatizou o «grave» do comportamento cara à Galiza. «E curioso comprovar como toda a toponímia espanhola aparece correctamente expressa, assim como a catalá. Os ‘erros’ som, daquela, bem selectivos, e ‘casualmente’, reiteram-se no caso da Galiza e do seu idioma próprio».
+ Ligaçons relacionadas:
- “Desrespeito e humilhaçom” cara ao galego por parte de um site do Jacobeu [PGL, 20/11/2010]
- BNG pergunta por nova exclusom do galego e uso de topónimos deturpados por parte do SERGAS [PGL, 06/09/2010]
- Críticas à castelhanizaçom de diferentes departamentos da Junta [PGL, 11/08/2010]
- Junta rectificará as referências ao castelhano como «língua própria» numha campanha de propaganda [PGL, 03/08/2010]
