J. Alberte Corral – O vindouro dia 14 de Janeiro, quarta-feira (mércores), o político e professor da U.S.C. Pablo González Mariñas falará na Corunha dentro do ciclo, Literatura e Naçom, organizado pola Agrupaçom Cultural O Facho. A sua charla versará sobre: Jenaro Marinhas: Umha testemunha por Galiza.
Pablo González Mariñas, é Doutor em Direito pola Universidade Autónoma de Madrid.. Administrador Civil Superior do Estado. Professor de Direito Administrativo na USC.
Foi membro da Comissom de Transferencias das Deputaçons provinciais à Junta de Galiza, vice-presidente da Comissom do Anteprojecto de Estatuto de Galiza (Estatuto dos Dezasseis) e representante de Galiza na Conferencia de Poderes Locais e Regionais do Conselho de Europa.
Igualmente, foi conselheiro da Presidência e Administraçom Pública (1987-90), co-fundador e secretário geral do PNG-PG, membro da Associaçom Internacional de Ciências Administrativas e presidente do Instituto Galego de Estudos Europeus e Autonômicos.
É autor de umha numerosa obra de temática jurídico administrativa. Recebeu os Prémios de Investigaçom Júrídica Manuel Colmeiro e Castro Canosa Também é membro da Secçom Jurídica do Conselho da Cultura Galega, da Associaçom Internacional de Ciências Administrativas, etc.
