Os d´Abaixo é umha banda composta por seis músicos de longa formaçom que se juntárom em 2010 para animar uns bailes, a cada duas ou três semanas, na Gentalha do Pichel. Daí saiu o seu primeiro disco, gravado ao vivo no Festival Interceltique de Lorient e focado no seu repertório mais tradicional. No seu segundo e terceiro trabalhos seguem umha linha mais folk, respeitando a tradiçom mas abrindo-se ao universal.
Alguns dos membros do grupo já eram reintegracionistas desde há bastante tempo. Outros estavam mais afastados. “Mais por desconhecimento que por outra cousa”, esclarece para este portal Gom de Abadim, o guitarrista do grupo. Gom assinala que “é frequente as pessoas acharem que por serem reintegracionistas teriam que adaptar o sotaque ao de Portugal ou abandonar o léxico particular da Galiza. Mas, umha vez explicado e compreendido todo, estivemos todos de acordo em que é no reintegracionismo que está o futuro da língua galega”.
Gom assinala que “é frequente as pessoas acharem que por serem reintegracionistas teriam que adaptar o sotaque ao de Portugal ou abandonar o léxico particular da Galiza. Mas, umha vez explicado e compreendido todo, estivemos todos de acordo em que é no reintegracionismo que está o futuro da língua galega”.
Refletindo sobre esta tomada de decisom no grupo, Gon expom algum dos raciocínios que os levárom a dar o passo neste momento, coincidindo com o lançamento do disco: “Já que o nosso último disco alude à resistência e é um símbolo de permanência, e diante do ataque espanholista que significou a aprovaçom da norma isolacionista, que privou a língua da sua forma natural de escrever e do seu passado, achamos que era o momento certo”.
A banda está composta por: Roberto Rama na gaita e no saxofone, Richi Martín nas percusons, Xacobe Varela na voz, gaita e bouzouki, Santi Cribeiro no acordeom, Quim Farinha no violino e Gon de Abadim na guitarra.
