A Gentalha do PIchel

O veneno está na mesa? Tratamentos fitossanitários e alimentaçom

Palestra de Óscar Antón Pérez García



A próxima quinta feira 14 de abril, às 20h30 no CS O Pichel (Santa Clara n.º 21) contaremos com Óscar Antón Pérez García, assessor técnico agrário que nos achegará informaçom e perspectivas críticas do ponto de vista administrativo, legal, empresarial e da saúde sobre o uso de fitossanitários na alimentaçom.

Entre outras dará-nos algumhas chaves para respostar a questons como: Como estam intervidos os mercados agrários? quem comercializa, quem ganha e quem perde com este tipo de produtos? Qual é a normativa sobre pesticidas?
Tambén nos informará sobre que metodologia se utiliza na Galiza, a nível estatal e europeo, e resolverá-nos dúvidas como se é unha metodologia efectiva, se se está a cumprir, se pode haver perigos, se tem pontos críticos e se temos informaçom suficiente.

A utilizaçom de tratamentos fitosanitarios na alimentaçom afecta a toda a cidadania, pois todos os tratamentos tenhen efeitos sobre os produtos naturais e como consequéncia, sobre a saúde humana. Nesta palestra achegará-nos unha visom crítica, do ponto de vista legal e práctico.

A

A Gentalha do Pichel é umha associaçom cultural que desde hai onze anos vem dinamizando a vida social e cultural da cidade compostelana. Este colectivo trabalha, entre outros aspectos, na defesa, conhecimento do meio natural, na denuncia daquelas dinámicas de exploraçom que arrasam o território em benefício de quantos querem enriquecer-se empobrecendo o país e na procura de modos alternativos de relacionar-se com o entorno de forma respeitosa. Neste sentido som já varias as atividades coorganizadas com outros colectivos sociais, sindicais e ecologistas; conscientes de que partilhar experiencias, idéias e projectos suma forças e tece redes necessárias na defesa do território.

Para mais informaçom sobre esta atividade em particular ou sobre o trabalho da Gentalha do Pichel em geral podes consultar o nosso blogue gentalha.org, o facebook, enviar-nos um correio a [email protected]gentalha.org ou passar polo centro social (aberto de segundas a sextas de18.00h à 23.00h e sábados de 19.00 à 01.30h).

A Gentalha do Pichel

PUBLICIDADE