PGL – Na seqüência dos debates em torno a normalizaçom lingüística e às estratégias de expansom social do reintegracionismo, debates a cujo fomento o PGL quer contribuir, publicamos hoje o ensaio “O Reintegracionismo Galego: Um Ponto de Encontro sob Fogo Cruzado”, do professor Bernardo Penabade, Presidente da AGAL entre 2001 e 2007.
O texto foi apresentado no VIII Congresso da Associaçom Internacional de Lusitanistas, que tivo lugar em Compostela em Julho de 2005, quando o autor ocupava a Presidência da AGAL. Nele, o professor Penabade fai umha apresentaçom da situaçom lingüística da Galiza, e do reintegracionismo desde os seus antecedentes, explicando as origens da organizaçom deste com a constituiçom da AGAL.
Após um resumo da trajectória do reintegracionismo, referindo os obstáculos que impedírom o seu alargamento social no passado e os acertos e consecuções, fai-se umha análise das possibilidades de futuro apostando por umha política lingüística aditiva numha Galiza cosmopolita, encorajando o reintegracionismo a alimentar mais espaços de convívio e a seguir estratégias de entendimento e concórdia, e advertindo dos negativos efeitos das respostas viscerais de desesperaçom que desatendem qualquer procedimento pedagógico e priorizam a confrontaçom e isolamento à soma de forças plurais em favor da língua.
Documento anexo em PDF:
