PGL – Segundo umha informaçom publicada por ANT, o PSOE nom vai participar de forma oficial na manifestaçom do 17 de Maio, apesar de que secretário-geral dos socialistas galegos, Manuel Vázquez, tinha expressado o seu desejo de estarem presentes de algum jeito.
Afinal, a sua participaçom no Dia das Letras reduzirá-se a umha homenagem a Ramom Pinheiro, quem foi deputado por este partido, no cemitério compostelano de Boisaca.
Deste jeito o PSOE renuncia a participar num evento que, entre outras cousas, reclamará a vigência do Decreto sobre o galego no ensino, promovido pola Conselharia de Educaçom —chefiada polos socialistas até as passadas eleiçons—. No entanto, do PSOE assegurárom que para eles o Decreto é «intocável».
