PGL Países Cataláns – Alberto Fernández Díaz, presidente do grupo municipal popular na Cámara de Barcelona, impugnou o regulamento municipal de usos lingüísticos, aprovado por CiU, ERC e os grupos de governo.
O Partido Popular da Catalunha apresentou um texto alternativo, composto de 21 artigos que configuram umha proposta de regulamento lingüístico para o consistório barcelonês «baseado na liberdade e o reconhecimento do bilingüismo», segundo afirma o comunicado emitido polo PP.
Fernández Díaz apresentou este texto como alternativa ao «regulamento de usos da língua catalá na Cámara de Barcelona», que realizou o Instituto de Estudos do consistório.
O presidente dos populares declarou que o documento pretende «excluir» o espanhol do ámbito municipal «com o pretexto de potenciar o catalám», ao prever que esta língua seja de uso geral em «todas as suas tarefas e relaçons», e que todos os empregados municipais se exprimam «preferentemente» neste idioma.
Entre as medidas criticadas polo Partido Popular destacam as relacionadas com as actuaçons internas da Cámara, tais como actos, actuaçom administrativa, impressos ou maquinária, já que o documento propom que se realizem «preferentemente em catalám».
