Nationalia – O Parlamento da Ucránia (onde o pró-russo Partido das Regions tem maioria absoluta) aprovou umha lei mui controversa em primeira leitura, que outorga estatuto oficial ao russo, explica Reuters em Kíev. A lei é criticada frontalmente por parte dos partidos da oposiçom, que consideram que dar a oficialidade ao russo outorgará ao Kremlin mais influência sobre a Ucránia e terá um impacto negativo sobre a língua ucraniana.
Se a lei for finalmente aprovada (é precisa umha ronda de votaçons durante este ano), o russo será oficial em 13 províncias, aquelas onde polo menos 10% da populaçom o tem como idioma materno. Todas essas províncias estám situadas nas regions orientais e meridionais da Ucránia, e incluem as cidades mais povoadas da ex república soviética.
Mapa das línguas na Ucránia
Fonte: Nationalia
