PGL – O porta-voz de Língua do BNG no Parlamento, Bieito Lobeira, reclamou «amparo» da Câmara nacional e denunciou ter sido ameaçado por agentes da Polícia espanhola, informa a agência Europa Press.
Segundo a agência, o parlamentar nacionalista relatou à presidenta do Parlamento, Pilar Rojo, que foi retido num controlo policial e que no decurso foi «coagido» para falar em castelhano, situaçom perante a qual se reafirmou no direito de se exprimir em galego.
A informaçom da Europa Press cita palavras de Lobeira em que o parlamentar assegura que um dos agentes o ameaçou com umha denúncia, «negando-me a notificar por qual razom», e que se despediu dele com um «tendrás noticias nuestras» ou «ya te enterarás cuando recibas la denuncia».
Nom som factos isolados
As denúncias de maus tratos policiais por nom usar o espanhol nom som exclusivos da Polícia espanhola, como tampouco se trata de factos isolados. Ao contrário, as queixas som constantes, e polo geral os agentes saem impunes destas situaçons.
Também hoje conhecíamos informaçons da Plataforma per la Llengua (Plataforma pola Língua) da Catalunha em relaçom a policiais espanhóis que pugérom denúncias a pessoas que se acolhêrom ao seu direito de nom falarem castelhano.
