‘O Mentireiro’, nova publicaçom retranqueira na rede

PGL – Após o fim de Sei o que nos Figestes há mais de um ano, a retranca subversiva na rede ficou órfã. Felizmente, parece que a internet galega volverá deixar de ser território ermo nesse sentido, pois recentemente nasceu umha nova publicaçom: O Mentireiro.

Ao contrário que outras publicações, O Mentireiro deixa-nos às claras já no primeiro momento o que é, daí o lema «Mentimos mais e melhor». Umha brutal honestidade que se completa com um logótipo cuja tipografia e cores evocam um conhecido meio de comunicaçom escrito que nom está redigido em galego, mas ao qual já se referem no texto inaugural.