Decorrerá nos dias 17,18 e 19 de janeiro e Vilalba

A improvisaçom oral em verso reunirá regueifeiras e regueifeiros entre 12 e 16 anos de Vilalba, Vila de Cruzes, O Courel, Porto doçom, Compostela, Monforte, Vigo e Carvalho no “I Cámpus de Regueifa RegueiNov+s – Regueifesta”, organizado polo IES Basanta Silva e o Projeto Regueifesta.

Depois de estar em perigo de extinçom a princípios de século, a regueifa  conseguiu  revitalizar-se por todo o país com o trabalho coletivo de múltiplos agentes educativos e socio-culturais e, curso tras curso, dam-se mais sinergias entre os centros de ensino e o movimento socio-cultural.

Atualmente, fala-se da “Nova Regueifa” como um movimento protagonizado principalmente por adolescentes, com um valor importante no processo de normalizaçom da língua galega. 

Da Equipa de Dinamización e o Clube de Regueifa do IES Basanta Silva querem fortalecer essa rede de centros facilitando um encontro de adolescentes regueifeiros e regueifeiras de toda a Galiza.

O Cámpus de Regueifa tem como objetivo reunir adolescentes em três jornadas de formaçom e convívio. O Cámpus desenvolvera-se na tarde da sexta-feira 17, na jornada do sábado 18 e na manhá do domingo 19 de janeiro, no IES Basanta Silva (Vilalba).

Dentro do Cámpus terám lugar assembleias, atividades de formaçom (palestras, obradoiros…), grupos de trabalho e atividades lúdicas. Entre outras atividades, realizara-se un seminário com Sés, um obradoiro com Laura Lamontagne e umha visita à Casa Museu de Manuel María.

Dentro do Cámpus terám lugar assembleias, atividades de formaçom (palestras, obradoiros…), grupos de trabalho e atividades lúdicas. Entre outras atividades, realizara-se un seminário com Sés, um obradoiro com Laura Lamontagne e umha visita à Casa Museu de Manuel María.

Ademais, várias equipas de cine filmarám imagens do Cámpus de Regueifa. Assim, o projeto “Regueifando con pracer” gravará recursos para um filme sobre regueifa e mulher. O regueifeiro Manolo Maseda também dirigirá umha equipa audiovisual que gravará para um documentário sobre o processo de expansom da regueifa nos últimos anos. Um terceiro documentário centrara-se no papel das mulheres na literatura de tradiçom oral.

O Cámpus iniciara-se o 17 à tarde, com a presentaçom dum espectáculo de regueifa aberto ao público, o “Regueifa Tour” em Vilalba, no Auditório municipal, onde participarám, ademais dos integrantes no Cámpus de Regueifa, os repentistas Lupe Blanco e Josinho da Teixeira.

O “Regueifa Tour” é umha turnê de improvisaçom oral em verso que tem como propósito tecer rede entre os diferentes territórios onde se está a trabalhar a regueifa dentro e fora das aulas. O curso passado, o Regueifa Tour visitou Vigo, Vilalba, Vila de Cruzes, o Courel, Viana do Bolo, Compostela, o País Basco e Catalunha. No curso 24-25 visitará Redondela, Vila de Cruzes ou Vilalba, entre outros lugares.

A Regueifesta é um projeto de dinamizaçom da improvisaçom oral no ensino que no 2025 fai dez anos. Da Regueifesta nacerom projetos como o Regueibertso, o Enreguéifate, os Encontros de Regueifa Feminista, o Erasmus Plus “Europa de Repente”, a aula virtual PLATEGA Regueifa 2.0 ou múltiples cursos de formaçom para professorado.