PGL Países Cataláns – Umha delegaçom do Governo taiwanês reuniu-se com o secretário de Política Lingüística da Generalitat da Catalunha para conhecer qual é a situaçom da língua catalá e as políticas que executou o Governo no ámbito da legislaçom lingüística e os mídia.
No ano 2002 o governo de Taiwan constituiu o Conselho para os Assuntos Hakka com o objectivo de facilitar e promover o uso da língua e a cultura Hakka, umha língua falada por 4,5 millons de pessoas.
Desde a sua criaçom, este organismo seguiu diferentes estratégias de promoçom da língua através dos meios de comunicaçom e do ensino. Agora estám interessados em conhecer outras experiências no âmbito da legislaçom linguísticas para poder aplicá-las.
Da oficina de Assuntos Hakka quigérom conhecer de perto o trabalho da Generalitat para recuperar o uso normalizado do catalám desde o restabelecimento da democracia, especialmente no que atinge às disposiçons legislativas em matéria de língua, ensino, a certificaçom de conhecimentos de catalám, e os meios de comunicaçom. A comitiva taiwanesa também mostrou grande interesse polo programa “Voluntariado pola língua”.
