José Alberte Corral – O vindouro dia 25 de março, quarta-feira, nos locais da Fundaçom Caixa Galicia (Cantom Grande – Corunha), o membro da Real Academia Galega (RAG) e Presidente da Associaçom Cultural Abertal, Carlos X. Varela Aenlle, falará dentro do ciclo, Língua, Literatura e Naçom, organizado pola Agrupaçom Cultural O Facho. A sua charla versará sobre: «O galego nas Terras Eu-Navia».
Carlos Xesús Varela Aenlle é geógrafo, especialista em desenvolvimento local e com estudos de filologia. Pessoa comprometida já desde mui jovem com o movimento de defesa do galego eu-naviego, participa na elaboraçom de muitos projectos relacionados com Astúrias, a Galiza e o Eu-Návia. Tem escrito várias publicaçons relativas a diferentes temáticas destes territórios, destacando as relacionadas com a etnografia e a toponímia eu-naviegas, como da etnografia galega e asturiana.
A bisbarra Eu-Navia consta de dezoito concelhos de fala galega ainda que três deles compartem território coa língua asturiana (Navia, Villallón e Allande).. O número de falantes é difícil de precisar, mas estaria entre os 40.000 e 50.000, tendo em conta ademais de que parte da povoaçom eu-naviega emigrou á área central asturiana, porém conservou a sua fala.
Testemunhas francesas sobre Galiza
Por outro lado, a agrupaçom corunhesa acaba de colocar na rede o áudio da conferência pronunciado no passado dia 18 de Março polo professor, tradutor e escritor, Henrique Harguindey Banet, que participou no ciclo Língua, Literatura e Naçom com umha exposiçom subordinada ao título «Testemunhas francesas sobre Galiza».
Descarregar MP3 [11.3 MB | 1h 38 min]
