PGL – Cada vez som mais as vozes que se somam a reivindicar o galego como um valor estratégico no relacionamento com o Brasil. Um dos mais recentes chega de Jordi Ballera, um dos responsáveis em Madrid da consultora de comunicaçom Edelman, num artigo para o Xornal de Galicia.
Começa o artigo a falar da visita de um amigo seu, natural de Nova Iorque e trabalhador no setor do automóvel, quem lhe contou que estava a aprender português devido a o Brasi lser o quarto mercado mundial no setor, além da sétima economia mundial.
Segundo Ballera, provavelmente o seu amigo «precisará alguns anos para aprender a língua» mas um galego-falante «nom demorará mais de um mês em falá-lo fluentemente». Isto implica umha «grande vantagem competitiva para os galegos que temos de aproveitar». Em sua opiniom, «é irresponsável nom reconhecer que o galego é um ativo fundamental para potenciar a presença das empresas galegas no Brasil e contribuir para o desenvolvimento económico do país».
Depois de falar da transferência de tecnologia e de conhecimento através da língua comum, Ballera conclui o texto lembrando que o galego «é um fator chave na articulaçom cultural do país e o pilar da identidade galega», mas, ainda, «é o nexo de uniom com umha das economias mais potentes do mundo. É imprescindível alentar o seu uso, em todos os níveis académicos, e aproveitar o seu potencial económico e científico».
+ Ligaçons relacionadas:
- Artigo original no Xornal de Galicia
- Fernando Corredoira: «O português deu-me uma experiência de ‘normalidade’ e de variedade na nossa língua» [PGL, 22/07/2011]
- éMundial: Uxía reivindica em entrevista o caráter mundial da língua galega [PGL, 01/07/2011]
- Seminário sobre a internacionalizaçom das empresas TIC galegas no Brasil [PGL, 21/06/2011]
- Carlos Blanco: «No Brasil dás-te de conta de que eles falam a tua língua e tu falas a língua deles» [PGL, 13/06/2011]
- Carlos Garrido: “A expressom técnico-científica é indispensável para garantirmos a sobrevivência do galego” [PGL, 30/03/2011]
- J.R. Pichel: «A diferença entre “Eu falo galego” e “Eu falo português” é só uma palavra»
[PGL, 03/02/2011] - Paulo Soriano: “O vigoroso elemento comum que há entre o Brasil e a Galiza – a língua – é, também, o maior instrumento de que dispomos para a aproximação de ambas as nações” [PGL, 19/01/2011]
