A Agrupaçom Cultural O Facho apresenta esta terça-feira 12 de Fevereiro a seguinte entrega do seu ciclo ‘Língua, Literatura e Naçom’. Vicente Feijóo Ares, responsável de Toponímia na Real Academia Galega, falará sobre ‘Os nomes dos penedos na Galiza. Motivaçons, cultos, ritos e lendas’. A cita terá lugar às 8 do serám no local Portas Ártabras (Rua Sinagoga, 22 – Cidade Velha da Corunha).
Licenciado em Filologia Galego-Portuguesa, Feijóo Ares obtivo o DEA com a sua investigaçom ‘A fala do Riós. Contribución ó estudo da dialectoloxía galega’. A palestra desta semana afondará no tema da sua tese doutoral, a toponímia dos penedos e as raízes desta na cultura, mitos e ritos populares. Além do seu trabalho de divulgaçom deste acervo, o filólogo também trabalha na revisom e correçom do Nomeclátor de Galiza e colabora com a AMTEGA (Axencia para a Modernización Tecnolóxica de Galicia), assessorando a entidade na criaçom de aplicaçons informáticas para trabalhar com a toponímia galega e difundi-la.
Ademais, Ares também é professor e avaliador de cursos CELGA da SXPL e dos cursos de verám para estrangeiros de Língua e Cultura galegas da USC. Por último, o docente combina este labor com a titoria de cursos de tele-formaçom em linguagem administrativa e redacçom de documentos administrativos na EGAP e com a sua participaçom como membro na Comissom Especializada em Nomes Geográficos (CENG), do Instituto Geográfico do Ministério de Fomento.
Segue-nos en Facebook: Agrupación Cultural O Facho
Blogue: http://agal-gz.org/blogues/index.php/ofacho/
Correio electrónico: o_facho_a_cultural@yahoo.con.br
