PGL – O deputado do Partido Popular Ignacio López-Chaves voltou causar polémica no Parlamento. Mais umha vez, o político conservador recriminou ao presidente da Comissom 4ª de Cultura, Bieito Lobeira, o uso normal do topónimo Galiza e impediu o normal desenvolvimento da sessom, motivo polo qual foi expulso da Câmara.
Tudo começou quando Bieito Lobeira ordenou iniciar a sessom «no Parlamento da Galiza» e mandou passar lista dos deputados. A isto, López-Chaves respondeu que havia quorum no «Parlamento de Galicia», mas não no «da Galiza». Contudo, o presidente da Comissom de Cultura obviou a observaçom do espanholista e continuou avante.
Porém, López-Chaves quijo impedir o início da sessom, ao qual Lobeira respondeu que o deputado do PP nom estava na sua quenda de palavra. López-Chaves reagiu acusando Lobeira de «censura» e continuou a criticar a decisom do presidente da Comissom de Cultura, motivo polo qual acabou sendo expulso.
Trata-se da segunda expulsom deste deputado no que vai de mês, o qual poderia levar à suspensom dos seus direitos como deputado, segundo estabelece o regulamento parlamentar, ao poder constituir um acto reiterativo de «indisciplina grave».
+ Ligações relacionadas:
- Um ‘torero’ no Parlamento de Galiza [Sei o que nos Figestes…, 06/11/08]
- Inicia-se a sessão no Parlamento de ‘Ghalissia’ [PGL, 04/11/08]
