PGL – O porta-voz de Educaçom do PP, Román Rodríguez, postula-se contrário a um projeto de escola privada em galego em entrevista concedida ao jornal madrileno ABC. Toda a conversa gira em volta do projeto Galiza co Galego do que afirma estar contra o novo executivo galego e contra o novo decreto quer regula o uso das línguas no ensino.
Por isto, Rodríguez augura-lhe um percurso curto já que «quando se quer fazer algo diretamente contra alguém ou contra algo de início, será um fracasso porque está mal orientado». Aproveita a entrevista para ligar o projeto com a «galáxia BNG». Para o porta-voz do PP é evidente que «o BNG e os seus satélites entendem que a educaçom é um mecanismo de ideologia» enquanto para o governo galego é ao contrário já que «deve transmitir conteúdos e valores, ensinar às geraçons mais novas com enfrentar a vida para melhorar de modo coletivo». É por esta razom que o projeto Galiza co Galego, ao ser ideado com «umha perceçom claramente ideológica nom tem razom de ser agora e na Galiza».
Ao respeito do inglês, o representante político afirma que «parece que renegam do inglês» quando «nom é algo episódico mas umha ferramenta de trabalho em que se publicam os principais marcos de investigaçom».
Finaliza a entrevista tachando a proposta de «retro» por tentar realizar pola via privada o que nom se pudo fazer polo público. Em palavras de Román Rodríguez, «é tentar criar um mundo fechado sobre si mesmo, o que vai em contra do que deveríamos procurar, um mundo mais aberto».
Os jornalistas autores da entrevista sinalam da rede que é popular, laica, privado e que o «castelhano é relegado e equiparado com o resto das línguas românicas». Os jornalistas parecem desconhecer que o decreto polo plurilinguismo afeta apenas ao sector público e que a imensa maioria do sector privado visualiza o galego como umha língua românica mais.
+ Ligações relacionadas:
