PGL – O 24 de setembro, o Comité de Ministros do Conselho de Europa fizo público o segundo informe sobre a situaçom das línguas minoradas na Arménia. Este informe foi elaborado por um comité independente que avalia a aplicaçom da Carta Europeia de línguas regionais ou minoradas.
Na base do informe, o Comité de Ministros solicita a Arménia a elaboraçom de umha política estruturada para facilitar a formaçom de docentes e material actualizado de ensino em assírio, yezidi e curdo para todos os níveis educativos.
Ainda, as autoridades arménias deveriam velar por que as línguas regionais ou minoradas puderam utilizar-se nos tribunais e que o público conheça os seus direitos e deveres na hora de utilizar esses idiomas.
Por último, o Comité de Ministros recomenda a aclaraçom a respeito de se há línguas regionais ou minoradas utilizadas na Arménia distintas das especificadas no instrumento de ratificaçom da Arménia.
