PGL – Josep Carles Rius, decano do Col·legi de Periodistes de Catalunya (CPC, Colégio de Jornalistas da Catalunha), enviou umha carta ao presidente de Radio Televisión Española (RTVE), Luís Fernández, para solicitar que nom se suprima a desconexom de 20 minutos em catalám do informativo do serao durante o mes de agosto.
Na missiva, Rius solicita que a TVE continue contribuindo a projectar a realidade catalá ao conjunto do estado espanhol e que, ao tempo, represente umha voz própria na Catalunha, sobretodo neste ano em que TVE celebra o seu 50 aniversário de «excelente televisom na Catalunha».
Além disso, Rius considerou que a informaçom deve ser prioritária numha televisom pública, polo que em nengum caso se poderá justificar a eliminaçom de um informativo argüindo a falta de pessoal.
Por todo isto, o CPC apostou por instrumentos públicos de qualidade, competitivos e que contribuam à coesom social. Ademais, o órgao colegial afirmou que a pluralidade dentro destes meios é «positiva e necessária», e por este motivo TVE deverá ter umha presença «notável» na Catalunha.
