PGL – O catalám já nom é a única língua veicular nas escolas das Ilhas Baleares e no ano próximo terá de concorrer com o castelhano. A partir do curso que vem as famílias deverám escolher a língua em que querem escolarizar os seus filhos.
Assim as famílias ham de escolher a língua de primeiro ensino dos seus filhos no segundo ciclo de educaçom infantil (3 a 6 anos) e no primeiro ciclo de educaçom primária (1º e 2º curso) como conseqüência da principal alteraçom que incorpora a Ordem de Admissom para o curso escolar 2012-2013 que apresentou nesta quarta-feira o conselheiro balear da Educaçom, Cultura e Universidades, Rafael Bosch.
A Conselharia estima que umhas 12.530 crianças de 3 anos participarám no processo de admissom de alunos que se matricularám pola primeira vez nalgum dos estabelecimentos públicos e concertados no vindouro curso escolar. Assim, a partir deste ano, os impressos de pedido de admissom incluem a possibilidade de se escolher entre catalám e castelhano como língua de primeiro ensino.
+ Fonte original:
