PGL – Os deputados nacionalistas Bieito Lobeira e Anxo Quintana registárom umha pergunta no Parlamento sobre supressom no canal autonómico G2 da versom dobrada dos ‘Teletubbies’.
Segundo estes dous deputados do BNG, trata-se de umha mudança «relevante» do ponto de vista lingüístico, já que reduz a presença do nosso idioma apenas às legendas.
Do BNG criticam a decisom, já que se dá a circunstância de que «boa parte, provavelmente maioritária, das crianças que conformam a audiência dos populares ‘Teletubbies’ nom sabem ler ainda». Defendem também o papel normalizador da emissom em galego, pois «vinha permitindo umha certa familiarizaçom com a nossa língua nacional».
Os deputados nacionalistas consideram que se trata de «mais um passo na activa e desacomplexada política de desgalegiuzaçom impulsionada por este Governo» focada agora num grupo de idade «especialmetne frágil, sobretudo nas cidades ,no que tem a ver com a língua».
Por estes motivos, do BNG queren que na Comissom Parlamentar de Controlo da CRTVG se explique em interveçom oral quais som os motivos de suprimir a versom em galego, relegando-o a umhas legdendas que a maioria das crianças nom sabem ler e se está previsto corrigir a decisom. Por último, os parlamentares nacionalistas querem conhecer as medidasd que prevê a direcçom da CRTVG para a promoçom do galego entre a infância.
+ Ligaçons relacionadas:
- Reclamaçom do BNG perante a politica espanholizadora da Junta da Galiza [PGL, 26/08/2009]
- O Valedor do Povo apoia a castelhanizaçom da TVG [PGL, 06/08/2009]
- Mesa redonda sobre o galego da CRTVG [PGL, 17/07/2009]
