PGL – Quando faltam apenas uns dias para o 25 de Julho, o Dia da Pátria, a Imperdível atualizou o seu catálogo com alguns produtos mui ajeitados para umha efeméride tam significada no calendário galego.
Um dos produtos estrela é, decerto, a estreleira, a bandeira da Galiza com umha estrela vermelha no centro. Criada na década de ’60 do século passado no seio do nacionalismo de esquerdas, atualmente é reivindicada como principal bandeira do País por amplos movimentos populares de diferentes sensibilidades ideológicas. Cada unidade na loja Imperdível está à venda por apenas cinco euros.
Cumpre lembrar, ora bem, que esta é só umha das bandeiras que representam o nosso país, mas tem havido outras, como recolhe o livro Bandeiras da Galiza, de José Manuel Barbosa Álvares. Neste livro recupera-se no imaginário a bandeira sueva assim como todas as bandeiras que representárom o nosso país durante a Idade Média, a Idade Moderna ou a criaçom no século XX da atual —com ligeiras mudanças—. Ainda, o autor lança a ideia dumha bandeira da língua e até umha proposta de novo escudo galego. O livro custa 15 euros.
Outro artigo muito interessante é a obra Nacionalismo e Cultura, do guineense Amílcar Cabral. Editado
na Galiza pola Laiovento, o autor achega-nos neste livro o valor da cultura como elemento de resistência ao domínio estrangeiro, o qual reside no facto de ela ser a manifestaçom vigorosa, no plano ideológico ou idealista, da realidade material e histórica da sociedade dominada ou a dominar.
Fruto da história de um povo, a cultura determina simultaneamente a história pola influência positiva ou negativa que exerce sobre a evoluçom das relações entre o homem e o seu meio e entre os homens ou grupos humanos no seio de uma sociedade, assim como entre sociedades diferentes. A ignorância desse facto poderia explicar tanto o fracasso de diversas tentativas de domínio estrangeiro como o de alguns movimentos de libertaçom nacional, explica Cabral no livro, um título à venda por apenas 9,10 euros.
Galiza Vencerá
Apesar de ser sido lançado em 2009, Galiza Vencerá!, de Maurício Castro Lopes, continua a ser de plena atualidade. O volume recolhe artigos do autor publicados durante a última década na imprensa do nosso país sobre temática lingüística ou sociolingüística. Os 28 textos que integram o livro caraterizam-se pola brevidade e polo teor divulgativo, o que facilita a sua leitura fragmentária por qualquer pessoa interessada pola sorte do galego, tendo como tema comum o conflito lingüístico existente na Galiza.
Os meios em que aparecêrom escritos os artigos seleccionados som A Nosa Terra, Vieiros, Novas da Galiza, Abrente, GZnación, Agália e o Portal Galego da Língua. Neles, som tratados, quase sempre a partir de episódios de actualidade relacionados com o idioma, aspectos da política lingüística galega, postos em comparaçom com outros contextos internacionais e analisados com umha perspectiva normalizadora.
Esta compilaçom, que conta com um prólogo escrito polo catedrático de Língua e Literatura Galego-Portuguesa na USC e na altura presidente da Comissom Lingüística da AGAL, José Luís Rodrigues, forma um volume de 134 páginas que se vende a um preço de 12 euros, taxas incluídas.
Camisolas NH/LH
Sem ser umha novidade na loja, o produto estrela do último Festigal continua a estar na moda. Falamos, é claro, da sucedida camisola NH/LH, fruto de umha colaboraçom com Sei o que nos Figestes…, e que está ainda disponível em diferentes talhes.
+ Ligações relacionadas:
