O premio consta de 1.500 euros e a publica da obra. Os originais poderám apresentar-se até o 28 de junho.
Este concurso, em homenagem ao escritor Xosé Neira Vilas, autor de uma das obra mais populares da literatura galega, Memorias dun neno labrego, é para textos que centrem o seu conteúdo em algum dos três eixos do livro ao que fai referência, protagonizado por Balbino: o rural, o mar e a emigraçom.
Bases do Concurso
O Concurso Balbino de Relatos tem periodicidade anual e podem participar pessoas de qualquer idade ou nacionalidade.
O praço para remitir os escritos finalizará a sexta-feira 28 de junho de 2024.
A obra apresentada poderá estar composta de um único relato ou de vários, mas sempre com umha extensom comprendida entre 100.000 e 200.000 caracteres.
O idioma tem de ser galego -não esclarecem limitações ortográficas- e a temática deve estar ambientada no rural, no mar ou na emigraçom.
Todas as pessoas interessadas em participarem poderám acceder às bases do Concurso na página web www.concursobalbino.com
Em quanto à eleiçom da obra ganhadora, esta correrá a cargo dum jurado profissional de reconhecido prestígio que dará a conhecer o falho no mês de setembro, momento no que dará começo o processo de publicaçom para efetuar a entrega oficial do prémio e a apresentaçom do livro no último trimestre deste ano 2024.
A publicaçom da obra ganhadora será editada por Edicións Fervenza.
Instituições colaboradoras
O Concurso “Balbino” de Relatos conta com a colaboraçom da Secretaría Xeral de Política Lingüística, o departamento de Cultura e Lingua da Deputación de Pontevedra, a Fundación Xosé Neira Vilas, e os concelhos de Boqueijom, Silheda e Vila de Cruzes.
Edições anteriores
Lembramos que na anterior ediçom do Concurso “Balbino” de Relatos, em 2023, resultou ganhadora a obra Loucine, de Clara Martín (Ourense), que se uniu à listagem de premiados nos que se inclúem, por ordem cronológica, as obras Camiños na sombra, de Xián Lois Alcayde Dans (A Corunha); De que falarán as árbores, de Ricardo Cid Paz (Ourense); Máis alá do río do esquecemento, de Ricardo Ferreiro Almeda (Sevilla. Natural de Alhariz, Ourense); Banda Sonora Orixinal, de Pablo Nogueira Campo (O Carvalhinho, Ourense); Bica de Montouto, de Pepe Peinó (O Valadouro, Lugo), Gumes entre a néboa, de Xosé Alfredo Naz Fernández (Vigo) e A comuna de Valdonelle, de Carlos Neira Suárez (Ferrol).
