Partilhar

‘Novas da Galiza’ anuncia a sua volta com a campanha Além do Barulho

novasgz (1)O regresso do jornal mensal Novas da Galiza à imprensa está próximo. Esta primeira semana de setembro o coletivo que impulsa o jornal publicou a campanha Além do Barulho, um micromecenato na plataforma goteo.org com o que procura conseguir os recursos económicos necessários para abrir a nova etapa. Entre estes investimentos encontram-se a remodelaçom gráfica da maqueta e da página web.

A campanha Além do Barulho quer servir também de apresentaçom do novo projeto e inclue a difusom de vídeos através das redes sociais nos que participam integrantes, colaboradoras e leitoras do Novas. Nas peças audiovisuais, parte do Conselho de Redaçom explica os aspetos mais destacáveis da nova jeira, enquanto outras colaboradoras e leitoras do jornal aportam a sua opiniom acerca do projeto jornalístico.

novasgz (2)

Agenda própria

“E se resultar que as doses informativas que recebemos nom bastam para sabermos o que se esconde por trás de umha notícia? Será necessário aprofundar e ir além do barulho?”, perguntam-se desde o Novas. É desta reflexom que nasce o nome da campanha, sendo também umha declaraçom de intençons para a nova etapa. Fugir do ruído gerado polos mass-media empresariais e criar umha agenda informativa própria, centrada na realidade da Galiza e as suas gentes, será umha das prioridades na nova etapa do Novas.

O jornal contará com umha maqueta totalmente renovada, com todas as páginas a cor e umha nova identidade gráfica. Aliás, a imagem cobrará um maior protagonismo, para o que se criou umha nova equipa de fotografia e ilustraçom. Por outra parte, o Novas estreia umha nova estrutura de seçons mais dinâmica e flexível, da que darám a conhecer mais detalhes durante a campanha.

Para obter mais informaçom ou colaborar na campanha.

 

 

 

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”

Ângelo Brea: “O amor pela família, o cuidado dos filhos ou as exigências de uma vida com grandes responsabilidades atravessam os milénios”

Burela, romance do escritor brasileiro Efigénio Moura, disponível em pré-venda na loja online da Através Editora

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”