PGL – A Comissom de Defesa da Língua da Gentalha do Pichel disponibilizou na internet um novo vídeo que, de modo didático, contribui para expurgar novos castelhanismos nos usos quotidianos da língua. Com o leite como elemento central desta nova peça audiovisual, comprovamos que a denominaçom tradicional galega «leite gordo» continua plenamente viva face à de «leite inteiro», introduzida mais recentemente através do castelhano.
Como indicam da Gentalha na introduçom do vídeo, com a industrializaçom da produçom do leite «popularizárom-se entre nós as denominaçons castelhanas ‘entera’, ‘semidesnatada’ e ‘desnatada’ ou os decalques ‘enteiro’, ‘semidesnatado’ e ‘desnatado’» No galego, porém, «ainda temos outros termos para dizer o mesmo: ‘gordo’, ‘meio-gordo’ e ‘magro’ ou ‘delgado’».
Da mesma maneira que acontece nos casos de palavras vernáculas como «tigela» (face à castelhana «sartén») ou «vassoira» (frente a «escoba»), da Gentalha explicam que «às vezes parece-nos que muitos termos galegos deixárom de servir para nomear realidades velhas em novos contextos».
Leite gordo
{youtubejw}PtjyUn4a6aM{/youtubejw}
+ Ligaçons relacionadas:
