Sei o que nos Figestes… – Hoje, terça-feira 18 de Novembro de 2008, comemora-se o nonagésimo aniversário (XC ou 90º, como vocês quiserem) da assinatura do Manifesto Nacionalista em que “os persoeiros das Irmandades da Fala reunidos en asambleia magna tida na cibdá de Lugo nos dias 17 e 18 do mes da data” plasmaram as suas “conclusiós“.
A primeira delas (e “prévia”) era que:
“Tendo a Galicia todal-as caracteristicas esenciaes de nazonalidade, nós, nomeámonos, d-oxe pra sempre, nazonalistas galegos, xa que a verba rexonalismo non recolle todal-as aspiraciós nin encerra toda a intensidade dos nosos problemas”
“A Asambreia que aprobou iste manifesto [a primeira dum total de sete que as Irmandades da Fala celebrariam até 1931] asistiron persoeiros de tódal-as Irmandades [todos varões, 63 segundo a Galipédia e 64 segundo as nossas contas; um autêntico bosque de nabos [1], nunca melhor dito]; estiveron representadas 67 sociedades agrarias, cinco centros culturaes; e mandaron sua adhesión cinco federaciós agrarias, once Concellos, mais de 40 Asociaciós e numerosísimas persoalidades de Galicia”.
O Manifesto Nacionalista, assinado “na cibdá de Lugo a noite do dazaoito de Samartiño do mil novecentos dazaoito” e considerado polos especialistas a acta de nascimento do nacionalismo galego, constituirá a base comum de todos os programas dos nacionatas até a Guerra Civil espanhola. Nele define-se Galiza como naçom, reclama-se a sua autonomia integral e ainda a cooficialidade do galego.
Actos comemorativos (e bebemorativos) previstos para hoje
Às 19h30 (hora pequeno-imperial) o Centro Social Madia Leva! celebra um acto que (segundo nos conta a sua porta-voz Olalla López ao telefone) já se celebrara no ano passado com “muito bom resultado” (no ano passado 18 de Novembro calhou em domingo). O acto de hoje, que terá lugar perante o Hotel Méndez Núñez (na luguesa Rua da Rainha) consistirá na leitura (pola parte dumha representante de Madia Leva!) dum resumo do Manifesto Nacionalista e mais numha oferenda floral. Na sua versom integral (e numha ediçom fotocopiada que, a dizer da nossa interlocutora, “respeita o formato original”) o Manifesto Nacionalista será distribuido também entre as e os viandantes.
Às 20h00 (hora pequeno-imperial) Francisco Rodríguez proferirá no Salom de Actos da Deputaçom de Lugo umha palestra intitulada A vigência do Manifesto de 1918. A palestra do Paco (quem sabemos que nos lê, assim que um beijinho para ele!) será a primeira dum “conxunto de actividades centradas en torno a unha serie de conferencias e unha exposición divulgativa sobre a Galiza das Irmandades” que, desde hoje e até o vindouro 31 de Janeiro, a AS-PG e a Deputaçom de Lugo desenvolverám. O programa completo das ditas actividades (agrupadas sob o rótulo A Galiza Das Irmandades. Umha Perspectiva Actual) podedes consultá-lo aqui.
Por sua parte Galiza Sempre, a fundaçom que preside José Manuel Beiras, publica, com prólogo do flamante Prémio Nacional de Ensaio 2008 Justo Beramendi, umha ediçom fac-símile do Manifesto da Assembleia Nacionalista de Lugo cujo manuscrito adquiriu em 1999.
Sentindo muito eu hoje nom poderei chegar-me a Lugo como seria o meu desejo (amanhã é dia de trabalho). Se andasse por perto nem o duvidava mas, infelizmente, neste ano nom vai poder ser! :'( Irmãs e irmaos de Lugo, já contaredes como correu tudo, ok?
Jenaro Jesus Marinhas (do Vale)
1 Assinantes do Manifesto Nacionata de Lugo:
1. Banet Fontenla, Manuel
2. Blanco Torres, Roberto
3. Cabanillas, Ramón
4. Casal, Ánxel
5. Casas, Víctor
6. Charlón, Eugenio
7. Fernández, Ivo
8. López Abente, Gonzalo
9. Losada Diéguez, Antón
10. Noguerol, Arturo
11. Peña Novo, Lois
12. Quintanilla, Xaime
13. Ramón Fernández-Oxea, Xosé
14. Risco, Vicente
15. Rodríguez Castelao, Alfonso Daniel
16. Taibo, Victoriano
17. Vázquez Enríquez, Francisco
18. Villar Ponte, Antón
19. Villar Ponte, Ramón
20. Viqueira, Johán Vicente
21. García Colmelo, C.
22. García Colmelo, X.
23. Lence Santar, E.
24. Monteiro Mejuto, X.
25. Peña Novo, P.
26. Sánchez Hermida, M.
27. Correa Calderón
28. Díaz Varela
29. Guitián
30. Rodríguez de Vicente
31. Sánchez Taíz
32. A. Martínez
33.A. Ramos
34. B. Varela
35. C. Monasterio
36. E. Bidegain
37. F. Abelaira
38. F. Zamora
39. F.M. Balboa
40. G. Cedrón
41. I. A. Garaloces
42. I. Rodríguez
43. J. Ferreira
44. L. Ares
45. L. Briones
46. L. de Labra
47. L.P. Carballa
48. M. Vázquez
49. R. Areses
50. R. Carballal
51. R. Gutiérrez
52. S. Mosteiro
53. T. Amador
54. T. Rodríguez
55. V. Maceiras
56. V. Parateha
57. V. Veiga
58. X. Ares
59. X. Basteiro
60. X. Culebras
61. X. Faraldo
62.X. Peña
63. X. Robles
64. X. Sarmento
+ Mais info:
- O Centro Social Mádia Leva! conmemora o 90 aniversário da ” Asemblea Nazonalista de Lugo” [MadiaLeva.AGAL-GZ.Org]
- La Diputación de Lugo celebra los 90 años de la primera Asemblea Nacionalista [El Progreso]
- Galiza Sempre edita un facsimile co manuscrito do Manifesto aprobado na Asemblea nacionalista de Lugo de 1918 [GalizaSempre.Org]
- Lugo lembra a primeira asemblea nacionalista [Galícia Hoxe]
- Manifesto da I Asemblea Nacionalista [Galifontes]
- Manifesto da Asembleia Nazonalista de Lugo en 1918 [CiberIrmandade]
