PGL Países Cataláns – O catalám incorporou 250 novas palavras durante 2009, relacionadas na sua maioria com o ámbito dos videojogos e a gastronomia. Trata-se de umha adaptaçom de termos que chegam do inglês, o francês, o italiano e o espanhol, segundo informou o centro de terminologia Termcat.
Deste modo, entre as novas palavras do léxico catalám encontram-se empréstimos doutras línguas como mojito, microbloc, crudités, mozzarella, brownie ou coulant.
As palavras, aprovadas polo Conselho Supervisor do Termcat, o órgao que estabelece a denominaçom mais adequada dos neologismos científicos e técnicos em colaboraçom com o Institut d’Estudis Catalans (IEC), procedem também de ámbitos como as ciências da saúde, a investigaçom, a indústria e as novas tecnologias.
