PGL – As mães e pais da Galiza já têm ao seu dispor de umha nova fonte para educar e brincar com as crianças em galego. O sítio Orella Pendella disponibiliza um amplo leque de jogos, cântigas, trava-línguas, provérbios e outros tesouros de transmissom oral. Segundo se pode ler no web, o intuito de Orella Pendella é o de «difundir a literatura popular infantil da Galiza para que siga a ser umha ferramenta educativa e de lazer para os/as galegos/as do século XXI».
De Orella Pendella assinalam que as mudanças na maneira de viver e a apariçom de novas formas de lazer pode constituir um perigo para perder a riqueza que representa este tesouro oral. Por isso, e sem rejeitar todas as possibilidades de ócio e divertimento, consideram muito positivo (também para o relacionamento humano) recuperar estas outras maneiras de passar o tempo e de educar.
Também explicam que muitos dos ditos populares da Galiza som comuns a outros povos europeus e mesmo americanos ou africanos, a tempo que outros som exclusivos do nosso país. Também realizam um chamamento à colaboraçom, que se pode realizar directamente a partir do web.
