PGL – No meio-dia de ontem, dia 1 de fevereiro, viu a luz o novo meio online Praza Pública. A expectaçom gerada polo anúncio provocou umha avalanche de visitantes que deixou o site inacessível na maior parte do dia.
Da equipa promotora do projeto utilizárom a rede social Twitter para desculpar os inconvenientes e agradecer os apoios.
Praza Pública é um meio digital moderno que combina o jornalismo online com as últimas tendências em redes sociais. De facto, nalguns aspetos funciona como se o próprio jornal fosse umha destas redes. A estrutura de navegaçom nom tem semelhanças noutros meios galegos, abandonando-se os habituais menus de secçom por botons que assinalam ‘tópicos na moda’, como o colapso do capitalismo ou a Sogama do Sul.
Segundo explicam, a atual é ainda a versom 1.0, pois publicarám a 15 de fevereiro umha nova que corrigirá erros e ampliará funcionalidades, como umha rede de blogues.
+ Ligaçons relacionadas:
- Praza Pública
- Perfil de Praza no Twitter (@prazapublica)
- Polo menos quatro novos meios em galego verám a luz neste outono-inverno [PGL, 25/10/2011]
