PGL – A Mocidade pola Língua mantém para amanhá a convocatória de greve em todos os centros de ensino secundário do País em defesa da língua galega. Também se prevêem também manifestaçons nas principais comarcas da Galiza.
A MpL lembra com esta convocatória que “o espanholismo mais violento” está a desenvolver umha campanha contra o galego baseando-se em “mentiras e vitimizaçom”, e enfatiza que “o único imposto a base de humilhaçons e pancadas é o castelhano”.
Do colectivo assinalam também que qualquer povo do mundo “tem o direito a que se respeite a sua forma de entender e de expressar o mundo: a língua”, direito que é “conculcado” ao povo galego, umha “agresom” que “afecta a todas e cada umha das pessoas de este País, as que resistem falando galego e as que já falam o idioma do invasor”.
Para a MpL, apenas o “o monolingüismo social” é “a única via” para a saúde e conservaçom de um idioma. “Qualquer tipo de quotas à língua dum povo é um assovalhamento que leva ao extermínio, com mais ou menos celeridade. Portanto apelamos a que o objectivo esteja nos 100%, como seria o caso de qualquer País normal”.
Como parte dos preparativos da jornada de greve, a MpL começou a distribuir um díptico no qual explicam as suas razons para o uso e defesa da língua galega.
+ Ligaçons relacionadas:
