PGL – A Mesa pola Normalizaçom Lingüística cumpre hoje 25 anos, e com motivo da efeméride anunciou que proximamente realizarám diferentes atos comemorativos. No comunicado remetido à imprensa lembram que nasceu com umha plataforma promovida por «diferentes associaçons culturais ou do ensino» e com o apoio «de figuras tam senlheiras como o professor D. Ricardo Carvalho Calero».
De 18 a 20 de abril de 1986 decorreu em Compostela o Encontro sobre o Estado Atual da Normalizaçom Lingüística. Umha das decisons adoptadas foi a de constituir umha «Mesa para a Normalizaçom Lingüística encarregada de pôr em prática as conclusons do encontro», inicialmente integrada pola Associaçom de Escritores em Língua Galega, a Associaçom Sócio-Pedagógica Galega, a Federaçom de Associaçons Culturais Galegas, a Associaçom Galega da Língua e o chamado Coletivo de Professores Promotores do Manifesto.
O primeiro presidente da entidade foi Xosé Manuel Sarille. Desde 2002, a associaçom está presidida por Carlos Callón.
+ Ligaçons relacionadas:
